Cam buxê helmê aye ra bîbî sey perdeyêk. Destê xo derg kerd buxê camî ser ra bêçikê xo giran-giran fetilnay. Bux de şeklê yew estore xêze kerd. Çimê xo paday û a xeyal kerde. Estore heme sipî bîye. Sey vewre, sey hewranê hamnanî sipî bîye. Tena çareyê aye beş bî, beşêde sîya. A çargamî vazdayêne. Ereqê aye binê tîje deberiqîyayêne. Helmê aye rîyê xo de hîs kerd. Qirpayîşê zerrî heşna. Nişka ra hewrî gurray. Çimê xo akerdî û ewnîyaye asmênî ra. Asmên bîbî tingûtarî. Buxê camî giran-giran pak kerd. Şeklê estore zî giran-giran vîndî bî. Tena bijiyê estore mend. Biluskî bajarî ser o şewle da. Her ca yew vîste de roştî bî. Dima ancî tarî bî. Lerze. Destê xo sêneyê xo ser o ardî pêser. Vileyê xo çewt kerd. Sereyê xo nabi pencera ra. Cam serdin bî…
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
